Uppskriftir

1. Mýkið í smjöri á pönnu allt grænmeti og ávexti og bætið kryddi í.
2. Bætið síðan soði og brauðteningum saman við.

1. Setjið ávextina og trönuberin í pott ásamt lauk og sykri. Sjóðið í 7 mín. og hrærið varlega í með sleif á meðan.
2. Takið þá pottinn af hellunni og kælið örlítið.
3. Bætið vatni, brauðteningum, kryddi og eggjum við og blandið varlega saman.

1. Blandið öllu í fyrri hluta uppskriftarinnar saman í stórri skál. Færið síðan yfir í minni skál, breiðið plastfilmu yfir og geymið í ísskáp yfir nótt.
2. Næsta dag er rúmur helmingur af smjörinu bræddur á pönnu. Þá er farsið úr skálinni sett á pönnuna og það marið með gaffli þar til það hefur losnað vel í sundur. Hitað þar til allt kjötið hefur breytt um lit.
3. Setjið ristaða brauðteninga í stóra skál og færið kjötið af pönnunni yfir í skálina með gataspaða þannig að öll feiti verði eftir á pönnunni.
4. Bætið því sem eftir er af smjörinu á pönnuna og setjið eplabitana, laukinn og selleríið á hana. Látið grænmetið krauma í 5-7 mín. við vægan hita.
5. Bætið nú steinseljunni og kryddinu út í. Færið yfir í stóru skálina og bragðbætið ef þurfa þykir. Öllu blandað vel saman og kælt vel. Fyllinguna má laga daginn áður en kalkúninn er steiktur. Eins má baka hana sér í aflöngu formi, þá er lagður smurður álpappír yfir og bakað í 180°C heitum ofni í 1 klst.

1. Setjið allt í skál og blandið vel saman.

1. Blandið kryddinu saman.
2. Nuddið hluta af blöndunni á kalkúninn, notið afganginn í fyllinguna.
3. Skerið franskbrauðið í teninga og ristið þá í smjöri á pönnu.
4. Brytjið ananasinn og blandið honum saman við brauðteningana ásamt safanum.
5. Blandið öllu öðru saman við ásamt kryddblöndunni.
6. Setjið fyllinguna í fuglinn og saumið fyrir eða lokið með kjötnál.

1. Hitið olíu í potti og látið lauk, hvítlauk og rósmarín krauma í 2 mín.
2. Hellið hvítvíni í pottinn og sjóðið niður í síróp.
3. Bætið kalkúnasoði, kalkúnakrafti og rjóma saman við og þykkið með sósujafnara.
4. Smakkið til með salti og pipar.

1. Þeytið rjómann og hrærið öðru hráefni saman við.
2. Smakkið til og berið fram kalt með köldu, steiktu eða reyktu kalkúnakjöti.

1. Bakið upp sósu með hveiti og smjöri.
2. Jafnið með soði af innmat, steikingarsafa af fuglinum og vatni ef þarf.
3. Bætið kalkúnakrafti út í.
4. Bragðbætið síðan með sinnepi, rifsberjahlaupi, púrtvíni og kryddi.
5. Hellið rjómanum út í.
6. Smakkið til með gljáanum.

1. Sjóðið rauðrófurnar í 40 mín. eða þar til þær eru gegnumsoðnar, kælið þær og flysjið.
2. Skerið rauðrófurnar í mjóa strimla, flysjið eina appelsínu og eitt lime með grænmetisflysjara og skerið börkinn í örfína strimla.
3. Setjið strimlana í sjóðheitt vatn í smástund og sigtið svo vatnið frá.
4. Flysjið afganginn af appelsínunum og skerið frá allan hvíta hlutann af berkinum.
5. Skerið appelsínurnar í báta og geymið safann sem myndast.
6. Leggið rauðrófustrimlana í hring á fat og appelsínubátana í miðjuna.
7. Dreifið valhnetunum, vorlauknum og appelsínustrimlunum yfir salatið.
8. Pressið safann úr lime-ávöxtunum og blandið saman við appelsínusafann, bætið hunanginu og olíunni saman við ásamt engiferrótinni.
9. Hrærið öllu vel saman og dreypið yfir salatið.

1. Blandið öllu saman.
2. Penslið fuglinn með gjáanum af og til meðan hann er steiktur.
3. Notið afganginn af gljáanum í sósuna.

1. Afhýðið kartöflurnar og rífið með rifjárni.
2. Kryddið með salti, pipar og timían.
3. Mótið flatar kökur (á stærð við lummur) og steikið loks á vel heitri pönnu.  

1. Skerið kálið í litla vendi og sjóðið í potti í léttsöltu vatni eða í örbylgjuofni án vatns þar til það fer að mýkjast. Ekki ofsjóða, þá fer allt í mauk.
2. Látið vatnið renna vel af og haldið heitu á meðan sósan er útbúin.

3. Bræðið smjörið í potti, setjið laukinn út í og hrærið þar til laukurinn er orðinn mjúkur.
4. Stráið hveitinu yfir ásamt púðursykrinum og sinnepsduftinu. Látið krauma í 1 mín.
5. Hellið mjólkinni og sýrða rjómanum smátt og smátt út í og hrærið vel á milli eins og þegar búinn er til jafningur.
6. Hrærið vel og látið sósuna krauma í 2-3 mín.
7. Hellið sósunni yfir grænmetið og stráið steinseljunni yfir.
8. Berið fram heitt.

1. Afhýðið kartöflurnar og skerið þunna sneið neðan af þeim, svo þær verði stöðugri.
2. Skerið þunnar sneiðar niður í hverja kartöflu, skiljið eftir u.þ.b. 5 mm við botninn, svo þær hangi saman.
3. Raðið kartöflunum í eldfast mót og penslið með olíunni.
4. Bakið í 40 mín. við 175°C og penslið af og til með olíunni.
5. Stráið ostinum yfir og bakið áfram í 20 mín.
6. Það má byrja á kartöflunum áður en fuglinn er steiktur og taka þær út eftir 40 mín.
7. Þegar kalkúnninn hefur verið tekinn úr ofninum má strá ostinum á kartöflurnar og ljúka við baksturinn á 15-20 mín.

1. Blandið sætum kartöflum, kartöflum, vanilludropum, salti, smjöri og lyftidufti vel saman og setjið í eldfast mót.
2. Þeytið síðan  sykri og eggjum vel saman.
3. Blandið eggjahærunni saman við kartöflurnar í mótinu og bakið í 20 mín. við 170°C.

Kurlið sett ofan á
1. Blandið öllu saman og setjið ofan á kartöflubaksturinn.
2. Bakið áfram í 15 mín.

(Hægt er að útbúa kartöflubaksturinn daginn áður og setja síðan kurlið ofan á og baka í 15 mín., rétt áður en rétturinn er borinn fram.)

1. Skerið kartöflurnar í teninga, u.þ.b. 1 cm á kant.
2. Skerið selleríið í álíka stóra teninga.
3. Steikið allt upp úr smjörinu og kryddið með salti, pipar og timían.
4. Veltið þessu á pönnunni í smástund, setjið í ofnskúffu og bakið í 15 mín. við 180°C.

1. Blandið þeytta rjómanum í majónesið og bragðbætið.
2. Blandið ávöxtum, grænmeti og hnetum út í og bragðbætið eftir smekk með sítrónusafa og salti. Salatið má standa í kæliskáp í 5-8 tíma.
3. Skreytið með vínberjum og hnetum rétt áður en borið er fram.