1 Skref
Bankið snitselsneiðarnar létt með buffhamri þannig að þær verði um 7 mm þykkar.
2 Skref
Kryddið með salti og pipar.
3 Skref
Blandið saman í skál grillaðri papriku, sólþurrkuðum tómötum, fetaosti og basil. Skiptið blöndunni á milli sneiðanna og brjótið þær síðan saman eins og hálfmána. Þrýstið köntunum vel saman.
4 Skref
Veltið sneiðunum upp úr hveiti. Pískið egg og mjólk saman í skál og veltið sneiðunum upp úr blöndunni. Hjúpið sneiðarnar að lokum með raspinu.
5 Skref
Hitið olíu og smjör á pönnu og steikið sneiðarnar í 2 mín. á hvorri hlið eða þar til þær eru fallega brúnaðar.
6 Skref
Setjið sneiðarnar í ofnskúffu og bakið við 180°C í 5-7 mín. eða þar til þær eru gegnumsteiktar.
7 Skref
Berið sneiðarnar fram með t.d. sítrónubátum, steiktu grænmeti og kartöflum.
