Uppskrift
Fyrir 8–10
Hráefni
Kryddlögur
heill kalkúnn, um 5 kg
1 msk. nýmalaður pipar
3,5 l grænmetissoð eða vatn og grænmetisteningur
3 dl Maldon-salt
1 msk. rósmarínnálar
1 msk. salvía
1 msk. timían
3 1/2 dl salt
3 dl sykur
3 1/2 l klakavatn
Fennelfylling
2 msk. olía
1 fennel, smátt söxuð
1 tsk. fennelfræ
1 laukur, smátt saxaður
1 stór pera, skræld, steinhreinsuð og skorin í litla bita
1/3 brauð, skorpulaust og skorið í litla bita
2 egg
salt
nýmalaður pipar
fínt rifinn börkur af einni sítrónu
safi úr einni sítrónu
Fennel- og kryddjurtasósa
2 msk. olía
1 laukur, smátt saxaður
1/2 fennel, smátt saxað
1 hvítlauksgeiri, saxaður
1 tsk. rósmarínnálar
1 tsk. salvía
1 msk. timían
2 1/2 dl hvítvín eða mysa
4 dl kalkúnasoð eða vatn og kalkúnakraftur
1 1/2 dl rjómi
sósujafnari
salt og nýmalaður pipar
Aðferð
Kryddlögurinn
1. Setjið allt nema klakavatn og kalkún í pott og sjóðið í 5 mín.
2. Hellið leginum í fötu og bætið klakavatninu saman við. Þegar lögurinn er orðinn kaldur, takið þá innyflin úr fuglinum og setjið hann í kryddlöginn.
3. Geymið í kæli yfir nótt.
4. Takið kalkúninn upp úr daginn eftir og þerrið hann að innan sem utan. Látið hann í ofnskúffu.
5. Setjið fyllinguna inn í fuglinn.
6. Setjið fuglinn inn í 190°C heitan ofn og steikið í 15 mín. eða þar til hann er orðinn fallega brúnn. Lækkið þá hitann í 150°C og steikið áfram í 45 mín. fyrir hvert kg eða þar til kjarnhiti nær 70°C.
Fyllingin
1. Látið fennel, fennelfræ og lauk krauma í olíu á pönnu í 3 mín. án þess að brúnast, kælið.
2. Setjið í skál ásamt öllu öðru sem er í fyllingunni og blandið vel saman. Fyllinguna má útbúa daginn áður og geyma í kæli.
Sósan
1. Hitið olíu í potti og látið lauk og fennel krauma í 2 mín.
2. Bætið hvítlauk, rósmaríni, salvíu og timíani í pottinn og látið krauma í 1 mín. til viðbótar.
3. Hellið hvítvíni út í og sjóðið niður um 3/4.
4. Hellið kalkúnasoði í pottinn ásamt rjóma og þykkið með sósujafnara.
5. Bragðbætið með salti og pipar.
- Prenta
- |
- Senda í pósti
- |
- Deila